Sport

Mpilalao mendrika amin’ny CAN Carolus sy Anicet no voafidy hatreto

Sport
Alakamisy 04 Jolay 2019

Nivoaka ny lisitr’ireo mpilalao heverina ho mendrika indrindra tao anatin’izay fifanintsanana isam-bondron’ny fiadiana izay ho tompondakan’i Afrika izay na ny “Equipe type”.

Voafidin’ny kaonfedirasionina afrikanin’ny baolina kitra ho ao anatin’izany ny mpilalao Malagasy, Abel Anicet, izay mitana ny toeran’ny irakiraka afovoany tompon-toerana (titulaire) ary isan’ireo lohalaharana mpisolo toerana (remplaçant) kosa ilay irakiraka mpanafika, Andrea Carolus. Mijoro voalohany ao anatin’izay mpanafika izay moa ilay kalaza senegaley, Sadio Mané sy ilay ganeanina, Ayew ary ilay ejipsianina, Mohamed Salah. Ny fametrahana ny atao hoe “Equipe type” toy itony moa dia tsara marihina fa singa iray hanarahan’ireo mpitily mpilalao ny fivoaran’ny mpilalao tsirairay avy hahafahany ihany koa avy eo manapa-kevitra mikasika ny tolo-bidy atao aminy hivoarany any amina klioba tsaratsara kokoa.

J. Mirija