Mpanazatra vaovaon’ny Barea

Andrasana toa an’Ambatobevohoka

Sport
Alarobia 22 Janoary 2025

Efa ho 2 volana izao no ivon’ny adihevitra teo amin’ny tontolon’ny baolina kitra malagasy

ny hoe iza ihany no ho mpanazatra vaovaon’ity ekipam-pirenena malagasin’ny baolina kitra na Barean’i Madagasikara ity? Anarana tekinisianina vahiny maromaro no efa nandalo teo anivon’ny fampahalalam-baovao samihafa ary isan’ny sosokevitr’ireo tekinisianina mihitsy aza ny sasany tamin’izy ireo saingy nambara ho tsy tao anatin’ireo ho fantenina farany tampoka indray. Isan’ireo anarana voatonona matetika ny an’ireo franko-portogey Anthony Da Silva sy Corentin Da Silva. Itsy voalohany moa no tena sosonkevitr’ireo tekinisianina sy mpamakafaka samihafa. Isan’ireo nisy nitanisa teny koa ny anaran-dry Oumar Tchomogo sy Dragan Cvetkovic ary ilay tekinisianina frantsay nanazatra farany teo, Gilles Hugon. Hatramin’izao dia andrasana toa an’Ambatobevohoka tampoka nefa moa izay anarana mpanazatra vaovao izay.
J. Mirija