Sport

Mpanazatra mpanampy ao amin’ny Barea Miteraka adihevitra be

Sport
Alarobia 22 Mey 2019

Nigadona omaly teto Madagasikara ny mpanazatra voalohany ny ekipam-pirenena malagasin’ny baolina kitra na ny Barean’i Madagasikara, Nicolas Dupuis.

Raha ny fandaharam-potoana moa ankoatra ny fampivondronana ireo mpilalao mialoha ny lalao fitsapana hihaonana amin’i Luxembourg ny 2 jona izao dia mety hifantina mpilalao avy eto an-toerana farany ihany koa ity mpanazatra ity. Ankoatra izay, miandrandra marimaritra iraisana mikasika izay mpanazatra faharoa hanampy ity teknisianina frantsay ity ireo mpitia kitra Malagasy. Tsy dia levon’ny vavonin’ireo mpankafy Barea ao anaty tambajotran-tserasera intsony ny mpanazatra ny Adema, Auguste Raux, anisan’ireo anarana mandeha amin’izao fotoana. Maro amin’ireo mpitsikera no milaza fa aleo ny efa ampy traikefa nahatonga antsika hiakatra CAN, toa an’i Maitre Rivo ohatra no hanampy ny mpanazatra. Misy koa anefa no manome anarana hafa.

J. Mirija