Mondial La Marseillaise à Pétanque 2025

Mpilalao afovoany tsara indrindra i Yves Rakotoarisoa

Sport
Zoma 11 Jolay 2025

Voafidy ho mpilalao afovoany tsara indrindra nandritra ny

Mondial La Marseillaise à Pétanque 2025» na ny tompondaka eran-tany eo amin’ny taranja tsipy kanetibe fanao atsy Frantsa, andiany faha 64 i Yves Rakotoarisoa, raha ny fampitam-baovao voaray omaly mikasika ity fifaninanana iraisam-pirenena nifarana ny alarobia teo ity. Vokatry ny fampisehoana avo lenta sy ny fahaiza-manaony ara-teknika, ara-taktika, ary ara-tsaina moa no voalaza fa nifidianan’ireo mpitsara ho mendrika hahazo ity amboara manokana ity. Fahombiazana vokatry ny ezaka iombonan’ireo mpilalao sy ny mpandrindra teknika na STAFF izany, izay nampihatra fanomanana hentitra sy fomba fiasa mahomby ka niteraka firaisankina mafy teo amin’ny delegasiona, hoy ny fanazavàna. Tsiahivina hatrany ihany koa fa ny ekipa malagasy no nahazo ny amboaran’ity fifaninanana iraisampirenena ity tamin’ity taona ity ary sambany no nisy firenena vahiny nandrobaka izany ankoatran’ny frantsay.
Nangonin’i J. Mirija