Sport

Mondial 2018 Narodan'i Croatie ny nofinofin'i Russie

Sport
Alatsinainy 09 Jolay 2018

Nahintsan'i Croatie tamin'ny "tirs au but" 4-3 tamin'ny lalao ampahefa-dalana farany notontosaina ny sabotsy alina teo i Russie mpampiantrano rehefa nisaraka ady sahala 2-2 ny roa tonta taorian'ny fanalavam-potoana.

I Rakitic no nampiditra ny baolina farany ho an'i Croatie ka nitondra azy any amin'ny manasa-dalana. Tsy nanjary izany ny nofinofin'i Russie hibata ny amboara eran-tany ao an-taniny na dia nanampy fatratra teo amin'ny fanohanana aza ny mpilalao faha-12 nentanin'ny mpanazatra Stanislav Tchertchessov. I Croatie izany no hifanandrina amin'i Angleterre any Moscou eo amin'ny manasa-dalana faharoa amin'ity Mondial 2018 ity ny alarobia 11 jolay 2018 manomboka amin'ny 9 ora alina Malagasy. I Angleterre izay tsiahivina fa nandavo an'i Suède 2-0 tamin'ny 1/4-dalana faha-3 notontosaina ny sabotsy 7 jolay teo.

Ntsoavina Evariste