Sport

Mondial 2018 Lavon’i Nigeria 2-0 i Islande

Sport
Sabotsy 23 Jona 2018

Nampiseho ny fahaizany milalao baolina kitra ny Breziliana tamin’ny fihaonany tamin’i Costa Rica (Vondrona E) na dia tsy nahita ny lalan’ny harato in-droa aza raha tsy tany amin’ny 90’+1 tamin’ny alalan’i

Coutinho sy teo amin’ny 90+7 tamin’ny alalan’i Neymar. Nampangain’ny VAR na « Arbitrage par vidéo » ity kintan’ny kitra Brezilianina ity tamin’ny sinema fianjerana niniana natao tao anaty « surface de réparation » ka niverina tamin’ny fanapahan-keviny tsy nanome ny « penalty » efa notondroiny ny mpitsara rehefa nahita ny sary.

Nibata fandresena ao amin’ny vondrona D misy azy kosa omaly ny Nizeriana raha naharesy an’i Islande 2-0. Ho henjana, araka izany, ny fihaonan’i Nigeria sy Argentine amin’ny talata 26 jona izao.

Voka-dalao omaly : Nigeria – Islande (2-0) ; Brésil – Costa Rica (2-0) ; Serbie - Suisse (1-2).

Lalao anio sabotsy andro faha-10 :
(15h00) Belgique - Tunisie, any Moscou (Spartak)
(18h00) Allemagne - Suède, any Sotchi
(21h00) Corée du Sud - Mexique, any Rostov-sur-le-Don

Rahampitso alahady andro faha-11 :
(15h00) Angleterre - Panama, any Nijni Novgorod
(18h00) Japon - Sénégal, any Ekaterinbourg
(21h00) Pologne - Colombie, à Kazan

Ntsoavina Evariste