Mondial 2018 – Dingan’ny 1

8 ndalana Hifandona i France sy Argentine

Sport
Alarobia 27 Jona 2018

Ny sabotsy 30 jolay ho avy izao no hiditra amin’ny lalao ampahavalon-dalana ny fiadiana ny amboara eran-tany amin’ny baolina kitra any Rosia ka hanokatra izany ny fihaonan’i Frantsa sy Argentine.

Ekipa sokajiana fa anisan’ireo lehibe maneran-tany kanefa tsy dia tena nandresy lahatra ny filalaon’izy ireo hatreto aloha na dia tafiakatra amin’ny dingana manaraka aza.Tsy nahavaky atody fa dia nionona tamin’ny 0-0 raha nifandona tamin’i Danemark omaly i Frantsa; efa nampitaintaina ireo mpomba azy ihany koa ry Messi sy ny tariny satria henjana ny fifandonana tamin’ny Black Eagles Nizeriana ka nandresy 2-1 ihany ry zareo Argentins , izay hita fa tena sempotra .Ny alahady 1 jolay kosa ao anatin’ny 1/8 ndalana hatrany no hifanandrinan’i Danemark sy Croatie ankilany ary Espagne sy Rosia andaniny.

Voka-dalao tamin’ny alatsinainy 25 sy talata 26 jona 2018 :

Arabie Saoudite 2 - 1 Egypte ; Uruguay 3 - 0 Russie ; Espagne 2 – 2 Maroc ; Iran 1 – 1 Portugal ; Danemark 0 – 0 France ; Australie 0 – 2 Pérou ; Nigéria 1 – 2 Argentine ; Islande 1 – 2 Croatie.

Fandaharan-dalao andro faha-14 alarobia 27 jona

17h00 : Corée du Sud - Allemagne, any Kazan

17h00 : Mexique - Suède, any Ekaterinbourg

21h00 : Serbie - Brésil, any Moscou (Spartak)

21h00 : Suisse - Costa Rica, any Nijni Novgorod

Ntsoavina Evariste