Sport

Minisiteran’ny Tanora sy ny Fanatanjahantena Mirary ny Barea “ho lasa faran’izay avo”

Sport
Alatsinainy 10 Septambra 2018

Manoloana ny loza niseho omaly alahady 9 septambra maraina teo Mahamasina izay namoizana ain’olona iray sy naharatrana am-polony maro, dia namoaka fanambarana ny minisiteran’ny Tanora sy ny Fanatanjahantena.

Mirary fahasitranana feno ho an’ireo tra-boina ary maneho fiaraha-miory amin’ny fianakavian’ny mana-manjo. Misaotra ny mpitia baolina kitra rehetra tonga marobe, ny Malagasy mpakafy baolina kitra izay naneho fahatoniana sy fahendrena ka nanohana ny ekipa malagasy nandritra ny lalao. Fanohanana izay mahatonga ny mpanao fantanajahantena hanome izay faraheriny, hoy ny fanambarana. Naneho fisaorana sy fankasitrahana ny Barean’i Madagasikara nitondra avo ny voninahi-pirenena ihany koa ny minisitera ka nahazoana iny vokatra 2 sy 2 iny manoloana ny ekipa mpanao Mondial. Mirary hatrany ny Barea ho lasa faran’izay avo amin’ity fifanintsanana ity ary handresy hatrany.

Nangonin’i Jean D.