Sport

Minisiteran�ny fanatanjahantena Nanampy fanindroany an�i Talas

Sport
Alatsinainy 08 Martsa 2010

Tonga nitsidika an-dRaharison Stanislas (Talas) teny amin�ny hopitaly Befeletanana omaly tolakandro ny minisitry ny fanatanjahantena Ramamonjisoa Virapin nitondra fanampiana taorian�ny tsy maintsy nanapahana ny tongotra (lohalika noho midina) havanan�ity kintan�ny lavalava fahiny ity noho ny fitaran�ny fery satria voan�ny diabeta ny lehilahy.

Ny zoma hariva teo no nanaovana ny fandidiana. Tsiahivina fa 74 taona izao i Talas izay anisan’ireo nandrafitra ny ekipam-pirenena tamin’ny taona 1957 tany Frantsa ary naira-nilalao tamin-dry Mbahiny sy Ravolomaso. Talohan’ny faran’ny taona lasa iny no efa nitondra fanampiana ity kintan’ny rugby fahiny ity ny minisitra ary izao dia nampanantena ny hanampy amin’ny fitsaboana indrindra ireo ilaina amin’ny fanafody.

Nanaraotra nitsidika ilay mpanao gazety, Jean Martial Vanivato koa omaly ny minisitra tetsy amin’ny HJRA izay tojo tsy fahasalamana teo amperin’asa tany Mahajanga tamin’ny fotoana nandalovan’ny Filohan’ny Fifa Sepp Blatter teto iny. Efa zokibe tokoa i Vani izay 73 taona izao miasa ao amin’ny La Gazette de la Grande Ile raha izany Matin izany no nahafantarana azy tamin’ireny taona 70 ireny.

Hery Rabe