Sport

Mini Coupe du Monde Hyundai Norombahan�i Ghana, Groupe Andriatsitohaina

Sport
Talata 18 Mey 2010

Nafana ny andro faran’ilay Mini Coupe du monde Hyundai natao tetsy Mahamasina ny sabotsy teo. Ekipa efatra no nanohy ny fifaninanana nanomboka teo amin’ny manasa-dalana izay namoaka ny ekipan’i Ghana (Groupe Andriatsitohaina) ho tompondaka rehefa nandavo an’i Mexique (Colas) 2-0 teo amin’ny famaranana. Raha ireo vokatra teo amin’ny ankatoky ny famaranana, ny Colas nanilika ny Danemark (Point Pacom) tamin’ny isa mazava 6-2 ary i Ghana nanintsana an’i Portugal (Ostie) 4-1. Teo amin’ny fiadian-toerana laharana fahatelo moa i Danemark nandresy an’i Portugal 4-1. Ny Groupe Andriatsitohaina izany no nandrombaka ilay amboara lehibe tamin’ity fifaninanana ho an’ireo orinasa ity sady nahazo ilay fiantohana mpilalao roa hanatrika ny fiadiana ny amboara eran-tany hatao any Afrika atsimo. Nanamarika ny fotoana ihany koa ny lalao nentina nanokafana ny famaranana nifanandrinan’ny ekipan’ny mpanao gazety sy ny Orange mpikarakara ka ireto farany no nivoaka nandresy tamin’ny isa 3-2 tamin’ny tirs au but raha sahala 1-1 ny isa hatreo amin’ny fe-potoana ara-dalàna.

Hery Rabe