Sport

Mathias Randriamamy Niakatra ho sokajy “senior” ao amin’ny PSG

Sport
Alatsinainy 26 Oktobra 2020

Taorian’ny naha voaantso azy ho isan’ny mpilalaon’ny Barean’i Madagasikara, sokajy “senior”, dia tsy nijanona ho U19 eo anivon’ny ekipany ao Paris dia ny PSG intsony ny mpiandry tsatokazo vaovaon’ny ekipam-pirenena malagasin’ny baolina kitra,

Mathias Randriamamy, fa natao iray lisitra amin-dry Neymar sy ry Mbappe amin’izay na dia vao 17 taona monja aza. Isan’ireo 21 mirahalahy niatrika an’i Dijon tany Frantsa izy, noho izany, ny sabotsy teo. Na dia mbola mitana ny laharana faha 3 amin’ireo mpiandry harato ao amin’ity klioba frantsay goavana ity aza i Mathias dia azo ambara fahombiazana goavana nihatra tamin’izany ao anatin’izao taonany izao. Ny fahakingany sy ny fahasahiany manapa-kevitra no tena tombony ho an’ity mpiandry tsatokazo tanora dia tanora ity.

J. Mirija