Mathias M'Madi

Nofidian'ny FIBA ho "Rising Star"

Sport
Alatsinainy 13 Jolay 2026

Nofidian'ny FIBA ho "Rising Star"

na mpilalao misandratra tao anatin'ny dingana voalohan'ny fifanintsanan'ny Coupe du monde FIBA 2027. Izy no mpilalao basket Malagasy voalohany nahazo an'io na teo aza ireo faharesena miisa 6/6 nahazo ny Ankoay, ka naharaka antsika amin'ny hazakazaka hahazoana ny tapakilan'ny fiadiana ny tompondaka eran-tany. Isan'ny nisongadina ny nampidirany isa 22, rebonds 6, tolotra 6 nandritra ny lalaon'i Côte d'Ivoire sy Madagasikara (118-102) na resy aza isika, saingy lalao isan'ny nampientanentana sy nanamarika ny Ankoay. Vao 21 taona, efa tompondaka lefitra taty Afrika ho an'ny U-18 ny taona 2022 ka nahavoahosotra azy ho mpilalao mendrika indrindra na MVP, All-star five tamin'ny Afro-basket U-18, efa nandray anjara tamin'ny tompondaka eran-tany U-19 ny 2023, ka izy no mpamono baolina be indrindra nandritra ny fifaninanana.
Toky R