Sport

Marco Ilaimaharitra Nahazo zazalahy kely

Sport
Alakamisy 09 Janoary 2020

Nitombo indray ny fianakaviana Ilaimaharitra. Nahazo zazalahy kely ilay irakiraka afovoan’ny ekipam-pirenena Malagasin’ny baolina kitra,Marco Ilaimaharitra.

Maro amin’ireo mpanara-baovao no naneho ny heviny avy hatrany fa ho Barea kely ary ho avin’ny Barean’i Madagasikara ity zanak’i Marco mivady ity. Ankoatr’izay dia vaovao tsara hatrany ihany koa hatreto no iainan’ity avokavoky ny Barea ity sy ny ekipany dia ny Royal Club Charleroi, divizionina voalohany, ao Belzika, indrindra taorian’ny fandresena 5 noho 0 azon’izy ireo tamin’ny fiafaran’ny taona 2019. I Marco moa, raha tsiahivina no nampiditra ny baolina faha 4 tamin’izay fotoana izay.

J. Mirija