Sport

Marathon international de Tana Miantso fanohanana ny atleta malagasy

Sport
Zoma 08 Septambra 2017

Hiditra amin’ny andiany faha-17 ilay hetsika ara-panatanjahantena Marathon international de Tana izay hotontosaina ny 14 sy 15 oktobra ho avy izao.

Nanao fanentanana ny mpikarakara ny hetsika sy ireo mpiara-miombon’antoka aminy ny amin’ny mba hanohanana ireo atleta malagasy mandray anjara rehetra. Miisa dimy ireo taranja hifaninanana ary samy miainga sy miverina eo Analakely avokoa. Ny hazakazaka lavitrezaka izay hitetezana halavirana mirefy 42,192km, ny hazakazaka ho an’ireo manana fahasembanana sy ilay antsoina hoe : “Foulée écolo”, mirefy 10km, ny hazakazaka misari-miaina (maratoons) mirefy 1,5km ary hisy fifaninanana hafa ihany koa. Handray anjara amin’ity hetsika ity ny atleta avy amin’ireo Nosy rahavavy dia i Maorisy sy Seisela ary La Réunion sy ny avy ao Afrika toa an’I Afrika atsimo sy Etiopia ary Kenya.

J. Mirija