Sport

Manasa-dalan’ny Rugby à XV “GOLD TOP20-2019” Ny Tfa Anatihazo sy ny Cosfa no tafita

Sport
Alatsinainy 20 Janoary 2020

Tontosa omaly 19 janoary 2020 teny amin’ny kianja Maki Andohatapenaka hipoka olona tanteraka ireo lalao manasa-dalana roa amin’ny fifaninanana rugby à XV Gold Top 20-2019.

Tafita tao anatin’ny herikerika nifafy ny Tfa Anatihazo sy ny Cosfa Miaramila. Ny Tfa na Pilokely araka ny filazan’ny maro azy dia nandoro ny kilonga lahin’ny CNaPS Matsiatra Ambony tamin’ny isa mazava 37 noho 32. Ny Cosfa kosa dia nanilika an’i Dakar tamin’ny moka fohy 18 noho 17. Marihana fa amin’ny faha-02 febroary 2020 izao no hanatanterahina ny lalao famaranana amin’ity fifaninanana ity.

Vokatra rehetra azo teny Andohatapenaka omaly :

Lalao sokajy federaly 2 : Afa 03 – 07 Soe ; Fbm 24 – 23 Matadore A

Lalao Gold Top 20 : Tfa 37 – 32 Cnaps ; Cosfa 18 – 17 Ftm

Ntsoavina Evariste