Sport

Maitre Raux Auguste Lasa naka rivotra any ambanivohitra

Sport
Sabotsy 18 Aprily 2020

Efa salama tsara ary nivoaka ny hopitaly tamin'ny talata lasa teo i MeRaux Auguste.

Avy hatrany dia lasa naka rivotra any ambanivohitra ny tenany, araka ny toromarika nomen'ny dokotera azy ary amin'ny alahady izao kosa no hiverina eto andrenivohitra. Tsiahivina fa tamin'ny sabotsy 4 aprily 2020 no niditra teny amin'ny Hopitaly Miaramila etsy Soavinandriana ity mpanazatra mpanampy ny Barean'i Madagasikara ity, taorian'ny tsy fahasalamana tampoka nahazo azy. Nivoatra haingana sy nihatsara ny toe-pahasalamany ka nahatonga izao fivoahana hopitaly izao. Nisaotra ireo rehetra nanampy azy moa i Maitre Raux Auguste, toa ireo filohan'ny klioba, mpanazatra sy teknisiana namana ary ny teny anivon'ny Federasiona izay tsy nanadino azy tamin'ireny ady mafy natrehany teo ireny.

Ntsoavina Evariste