Sport

Partagé sur :
• facebook

Nilaza ny heviny i Dupuis mpanazatra sy Ima kapiteny ary i Gothlieb Hevitry ny olona 3 teny Vontovorona ihany no atolotra anao amin’izao fahatafitan’ny Barea hiatrika ny CAN andiany faha-32 izao.

René Dupuis mpanazatra ny Barea

\« Faly satria tratra ny tanjona dia ny hahatafita ny Barea hiatrika ny CAN 2019 ka hisaorako ireo mpilalao nanao ny ainy tsy ho zavatra fa nody ventiny ny ezaka nimasoana tao anatin’ny 2 taona sy tapany niarahana. Hisaorana koa ireo mpijery nankahery hatramin’ny farany. Mitohy toy ny mahazatra ny fanomanan-tena amin’ny lalao manaraka na dia efa tafita aza fa tsy hatao ambanin-javatra mihitsy ».

Faneva Ima kapitenin’ny Barea

« Misaotra sy midera indrindra indrindra ny mpanazatra René Dupuis nanampy tamin’ny fahatongavana amin’izao tanjona izao. Misaotra ny mpijery rehetra ihany koa tamin’ny fanohanana nataony hatramin’ny farany. Faly satria tontosa ny fanambinay 5 mirahalahy anisan’ny ela indrindra tao amin’ity Barea ity (Bolida, Voavy Paulin, Carolus, Bapasy Pascal ary izaho Faneva Ima) dia ny hametraka tantara eo amin’ny baolina kitra Malagasy ».

Gothlieb mpanentana

« Fahombiazana ho an’ireo mpilalao ny nahatafitana hanao CAN fa tsy fahombiazan’ny mpitantana ny Caf sy mpitantana ny Fmf sanatria. Hiangaviako ireo mpankafy baolina kitra rehetra hanao ezaka handehanana ho any Cameroun hanohana mivantana ny Barea fa izaho aloha izao dia efa hanomana vatan-drakitra hanangonako vola hiatrehana an’io fihaonana goavana io ».

Ntsoavina Evariste

Tia Tanindrazana

Samia mijoro ho an'i Gasikara.