Sport

Lomano – Tompondakan’i Afrika Medaly 12 no voan-dalana nentin’ny Malagasy nody

Sport
Alatsinainy 26 Martsa 2018

Medaly 12 be izao ka ny 2 volamena, ny 5 volafotsy ary 5 hafa alimo no voan-dalana nentin’ny mpilomano Malagasy nandray anjara tamn’ny fifaninanana fiadiana ny ho tompondakan’i Afrika faritra faha-4 notontosaina tany Malawi ny 21-24 martsa 2018.

Efa tafaverina an-tanindrazana omaly alahady 25 martsa i Stéphane sy John Rakotomavo sy i Murielle Tiana Henintsoa Barijaona ary i Holy Antsa Rabejaona solontena Malagasy niatrika ny fifaninanana. Firenena 14 aty Afrika no ao anatin’ny zône 4 dia i Angola, Afrika Atsimo Botsoana, Kaomoro, Lezoto, Madagasikara, Malawi, Maorisy, Mozambika , Namibia, Seisela, soazilandy, Zambia ary i Zimbaboe. Avy hatrany dia hiatrika ny fiadiana ny ho tompondakan’i Madagasikara eo amin’ny dobo filomanosana lehiben’ny ANS Ampefiloha izy ireo amin’ny 28-31 martsa ho avy izao.

Ntsoavina Evariste