Sport

Lomano � Nageurs Du Val : 230 mahery ireo hifaninana amin�ny �Ndao hilomano�

Sport
Sabotsy 23 Janoary 2010

Hikarakara fifaninanana hampisalorana ny anarana hoe �Ndao hilomano�, andiany voalohany, izay sady hamaky lay ireo hetsika amin�ity taona vaovao ity ny klioban�ny �Nageurs Du Val�.

Sambany ity klioba ity, izay telo taona nisiana izao, no hikarakara fifaninanana toy izao. Rahampitso Alahady tontolo andro etsy amin’ny dobo filomanosana olimpikan’ny ANS Ampefiloha no hanatontosana io fifaninanana io, izay hanasan’ny mpikarakara ireo klioba hafa avy any amin’ireo ligy toa an’Antsinanana, Boeny ary Vakinankaratra, ankoatra ireo maro be eto Analamanga. Hanana endrika fifaninanana nasionaly avy hatrany izany io hetsika voalohany karakarain’ny Du Val io. Efa nahatratra 230 sahady hatramin’ny omaly hariva ireo mpilomano nisoratra anarana handray anjara amin’io fifaninanana io, ka ny klioban’ny Crjs Toamasina aloha, ankoatr’ireo klioba maro eto an-drenivohitra, hatramin’ny omaly tolakandro no efa namaly ny antso fa handefa solontena handray anjara amin’io fifaninanana io. Heverina fa mbola hitombo anefa io isan’ny mpandray anjara io rehefa tonga ireo avy amin’ny ligy hafa, ankoatra an’Atsinanana. Santatra ary andiany voalohany ihany moa io fifaninanana rahampitso io fa hikarakara izany isan-taona toy ireo klioba hafa efa mpikarakara hetsika toy izao hatrany manomboka izao ny klioban’ny “Nageurs du Val”.

Hery Rabe