Sport

Partagé sur :
• facebook

Noho ny fanapahan-kevitry ny federasiona nandritra ny fivoriambe fanaony isan-taona natao herinandro vitsy lasa izay, manafoana ireo sazy nilatsaka tamin’ireo mpitantana ny klioba St Michel Lomano,

 toy ny filohany Rabary Jaona sy ireo mpiara-mitantana aminy vitsivitsy dia mitohy sy mihodina hatrany ity klioba ity ankehitriny. Tsy nampitsahatra ny hetsika sy fandraisan’anjarany tamina fifaninanana samihafa rahateo ireo sazy tetsy ambony ireo. Vokany dia namiratra ny klioba nandritra ny fifaninanana fanavaozana ny filaharana nasionaly natao ny 15 novambra teo teny amin’ny ANS Ampefiloha.  Ho an’ny sokajy lehilahy raha tsiahivina dia lasan-dRasolonjatovo Michael ny lah-1 ary lah-3 Rakotomavo Jaona samy mpilomanon’ny masindahy avokoa. Ho an’ny sokajy vehivavy dia tafiditra lah-3 Rabarijaona Murielle izay mpilomanon’ny Esca nifindra lasy vao haingana. Mikasika ireo hetsika manaraky ny klioba dia handefa mpilomano folo any amin’ny « Meeting International de la Réunion » izay hatao ny 27-29 novambra izao ny St Michel. Handray anjara mavitrika ihany koa amin’ny andiany fah-2 amin’ny “Meeting de Papon” hatao any Mahajanga amin’ny volana desambra io. Marihina fa mpilomano fito avy amin’ny Esca ireo no nifindra ao amin’ny St Michel noho ny faharavan’iry voalohany ary mbola mitady mpanazatra hafa koa ny klioba hanampy ireo efatra efa misy ao aminy mba hisahana ireo mpilomano mpikambana mahatratra 142 ao aminy.

Rasanda Serge

Tia Tanindrazana

Samia mijoro ho an'i Gasikara.