Lomano, 50m

Montsan’i Holy Antsa Rabejaona ny zava-bita tsara indrindra

Sport
Talata 19 Desambra 2023

Montsan’i Holy Antsa Rabejaona indray ny zava-bita tsara indrindra teto Madagasikara

eo amin’ny taranja lomano satria dia vitan’ny tovovavy tao anatin’ny latsaky ny 27 segaondra ny halavirana 50m, sokajy lomano malalaka na “nage libre”, raha ny fampitam-baovao voaray omaly. Isan’ireo nahazo vatsim-pianarana «Solidarity dévelopment program» eo amin’ity taranja ity any Rosia dia ny The Volga Region State University of Physical Culture, Sport and Tourism moa ity mpilomano malagasy ity. 26’’94 no namitany ny 50m nandritry ny Salnikov Cup 2023, tao Saint Petersburg. Tsiahivina fa 27’’35 no namitany izany nandritry ny lalaon’ny nosy natao teto Antananarivo farany teo. Nahazo ny laharana fahatelo kosa izy, na izany aza, nandritr’ity fifaninanana tatsy Rosia ity ary rosianina mirahavavy izay nahavita 25’’63 sy 26’’71 no nahasongona azy, raha ny fampitam-baovao voaray hatrany.
J. Mirija