Sport

Ligy rejionalin’ny Basikety any Bongolava Nahatontosa ny Tournoi "Manala Basket"

Sport
Alarobia 02 Janoary 2019

Nifarana ny alahady 30 desambra teo tany Tsiroanomandidy ny fifaninanana basikety baolina « Tournoi Manala Basket » nokarakarain’ny ligy rejionalin’ny taranja basikety any Bongolava.

Nibata ny amboara natolotra tamin’izany teo amin’ny sokajy U 14 zazalahy ny ekipan’ny Cosatri nandavo ny ekipan’ny Bas 2 (66-64) ary teo amin’ny sokajy Open lehilahy ny ekipan’ny Legend nandavo ny Kaouche (64-54) teo amin’ny lalao famaranana. Marihana fa ny Cosatri teo amin’ny lalao 1/2-dalana ny sabotsy 29 desambra dia nanilika ny ekipan’ny Zebross (84-69) ary ny Bas 2 nandavo ny Bas 1 (57-39). Teo amin’ny Open lehilahy kosa ny Legend nanintsana ny Bcta (72-55) ary ny Kaouche nandavo ny Sepa (73-71).

Ntsoavina Evariste