Sport

Ligue Europa 2017-2018

Sport
Alakamisy 17 Mey 2018

Notontosaina halina, tany amin’ny kianja Groupama Stadium any Lyon Frantsa, ny lalao famaranan’ny fifaninanana Ligue Europa taom-pilalaovana 2017-2018.

Lasan’ny ekipan’ny Atletico Madrid Espagne ny amboara fa lavony tamin’ny isa mazava 3-0 ny ekipan’ny Marseille France teo amin’izany lalao famaranana izany. Baolina matin’i Griezmann avy amin’ny tolotr’i Gabi teo amin’ny minitra faha-21 ny baolina voalohany matin’ny Atletico Madrid ary nentin’ny roa tonta niala sasatra. Vao nanomboka 4 minitra indray ny fidirana faharoa dia nahatafiditra baolina faharoa tamin’ny alalan’i Griezmann indray ny Atletico Madrid. Ary ny baolina faha-3farany dia matin’i Gabi teo amin’ny minitra faha-89.

Fihodinana an’Italie am-bisikileta

Lasan’ilay mpihazakazaka Anglisy, Simon Yates mpilalaon’ny Mitchelton-Scott, omaly alarobia 16 mey ny dingana faha-11 nampitohy an’i Assisi sy Osimo (156 km). Nihoarany 2 segondra ilay Néerlandais Tom Dumoulin tamin’izany. Marihina fa niainga tany Jerosalema Israel tamin’ny 4 mey lasa teo ity fifaninanana ity ka tsy hifarana raha tsy amin’ny alahady 27 mey 2018 amin’ny dingana faha-21 hotontosaina ao Roma. Mpihazakazaka 2 hatreto no samy efa nibata fandresena 2 avy dia i Elia Viviani mpilalaon’ny QuickStep-Floors teo amin’ny dingana faha-2 sy faha-3 ary i Simon Yates mpilalaon’ny Mitchelton-Scott teo amin’ny dingana faha-9 sy faha-11.