Sport

Ligin’ny Volley-Ball Analamanga Hifarana amin’ny alahady ny taom-pilalaovana 2017

Sport
Zoma 25 Aogositra 2017

Hangotraka ny famaranana ny taom-pilalaovana 2017 eo amin’ny taranja volley-ball eto amin’ny ligin’Antananarivo amin’ny alahady 27 aogositra izao etsy amin’ny kianja mitafon’i Mahamasina.

Nambaran-dRasamison Hajanirina filohan’ity ligy ity am-perinasa tamin’ny firesadresahana taminy fa hahita lalao miady tokoa Antananarivo amin’io alahady io satria ireo sangany eto Analamanga no hifampitady. Nahavalalanina ny fiatrehana ny ho tompondakan’Analamanga tamin’ity taona ity, hoy izy, fa niakatra dia niakatra ny haavo teknikan’ireo ekipa isanisany noho ny fiofanana nomen’ny ligy an’ireo mpanazatra azy ireo tsirairay avy tamin’ity taona ity. Lalao 6 no hifanesy harahina tsy miato etsy Mahamasina (kianja mitafo) amin’io andro alahady io manomboka amin’ny 8 ora maraina.

Sokajy junior vehivavy : Vbcd # 3 Fans

Sokajy junior lehilahy : Vbcd # Amvb

Sokajy 2è série lehilahy : Jsa # Tsvb

Sokajy 1ère série vehivavy : Vbcd # Jmvb

Sokajy 1ère série lehilahy : Cosfa # Gnvb

Ntsoavina Evariste