Sport

Partagé sur :
• facebook

Tontosa tetsy amin’ny biraon’ny COM tetsy Ivandry ny talata 6 febroary 2018 teo ny fifidianana filoha vaovao hitantana ny rafitra ligin’ny taranja rugby eto Analamanga hisolo an’i Andry La Pie izay nahazo fitsipaham-pitokisana tamin’ny seksiona 3 (Avaradrano, Atsimondrano, Andrefan’Iarivo) tamin’ny volana novambra 2017.

Feno ny fepetra ahazoana manatanteraka ny fifidianana, hoy i Andry Rakoto filohan’ny CER (Commission Electorale Régionale) ary voalazan’ny satan’ny rugby fa tsy maintsy soloina ny toerana banga. Notanterahina ny fifidianana rehefa nohamarinin’izy ireo ny maha ara-dalàna an’ireo mpifidy 3. Roa ihany ny kandidà tonga nanatrika an’ity fifidianana ity dia i Herisoa Philippe Olivier sy Razafimbelo Norbert Arnès ka ity farany no lany tamin’ny isam-bato 2 azony raha vato 1 kosa no azon’ny mpifanandrina taminy. Notanterahin’ny kandidà laharana voalohany, Randrianarisoa Solofoniaina Rija kosa ny fanambarana nataony fa nisintona ny filatsahany izy ka dia tsy tonga nanatrika an’ity fifididianana  ity. Tsy tonga nanatrika ny fotoana koa ny minisitera mpiahy sy ny Com fa ny solontenan’ny Malagasy Rugby no tonga amin’ny maha mpanara-maso azy.

Ho olon’ny fampivondronana aho, hoy i Norbert Arnès, ka manao antso avo amin’ny prezida teo aloha Andry La Pie izy manao hoe : “andao hiara-kiasa hampandroso ny taranja rugby Malagasy. Miisa 3 ny vina maika hotanterahina ato ho ato, hoy ity filoha vaovao ity, dia ny fananganana tranombarotra hividianan’ireo fileovana fitaovana rugby mora sy ny fananganana biraon’ny ligy etsy amin’ny tany nomen’ny Seimad etsy 67 ha ary fanamafisana ny fiaraha-miasa amin’ireo “Sponsors” samihafa.

Ntsoavina Evariste

Tia Tanindrazana

Samia mijoro ho an'i Gasikara.