Sport

Ligin’ny baolina kitra V7V sy Matsiatra Ambony Lany ho filoha i Giscard Adriano sy Raby Eléonore

Sport
Alatsinainy 22 Oktobra 2018

Tontosa tamin’ny zoma 19 oktobra 2018 tao amin’ny CAPJ Manakara ny fifidianana ny ho filohan’ny ligim-paritry ny baolina kitra any Vatovavy Fitovinany.

Nisy 3 ireo kandida nifaninana dia Atoa isany Giscard, Arsène ary Abdoul. Tsy nandray anjara intsony kosa ilay kandida tokana nampisy olana teo aloha. Lany ho filoha vaovaon’ity ligy ity tamin’ny isam-bato 4-0-0 Atoa Giscard Adriano. Tamin’ny sabotsy 20 oktobra kosa no nanatontosana ny fifidianana tany amin’ny ligin’i Matsiatra Ambony. 2 ireo kandida nifaninana rehefa niala an-daharana tamin’ny ora farany ny kandida faha-3. Fantatra fa tsy nirotsaka intsony koa ilay kandida tokana teo aloha ka lany ho filoha vaovaon’ny ligin’i Matsiatra Ambony Rtoa Raby Razafinambinina Myriam Eléonore nandresy 5-0 ny kandida Thierry nifaninana taminy. Marihana fa rahampitso talata 23 oktobra 2018 no hanatanterahana ny fifidianana ligy any Bongolava.

Ntsoavina Evariste