Sport

Ligin’ny baolina kitra Atsimo Andrefana Ekipa 10 no handray anjara amin’ny « Championnat ligue 1 »

Sport
Talata 08 Janoary 2019

Hotontosaina ao amin’ny kianja Maître Kira ao Andaboly Toliara amin’ny zoma 11 janoary 2019 ny fanokafana ofisialy ny fiadiana ny ho tompondakan’ny Ligue 1 ao amin’ny ligin’ny baolina kitran’Atsimo Andrefana.

Nambaran-dRandrianantenaina Régis filoha am-perinasan’ity ligy ity fa ekipa 10 avy ao Toliara I sy II ary avy any Sakaraha sy Bekily nozaraina ho vondrona 2 no handray anjara amin’izany fifaninanana izany (3Fb Toliara, As Comato, As Besakoa, Jfc, Impôt Sport, Costem, Fc Mitsinjo, Fc Betioky, Fc Sakaraha ary FC Ravel). Ny ekipa 3 voalohany avy ao amin’ny vondrona A sy B no hiatrika ny dingana faharoa amin’ny lalao mandroso sy miverina manomboka ny 01 febroary 2019 ka ny roa voalohany indray no hanao ny lalao famaranana amin’ny 26 febroary 2019. Nomarihan-dRandrianantenaina Régis fa efa vonona tanteraka ankehitriny ny kianjan’Andaboly handray ny fifaninanana.

Ntsoavina Evariste