Sport

Ligin’ny baolina kitra any V7V Hanomboka anio ny tompondakan’ny seksiona Manakara

Sport
Sabotsy 12 Janoary 2019

Araka ny vaovao nampitaina teo amin’ny Tia Tanindrazana dia hanomboka amin’ny zoma 15 febroary 2019 izao ka hifarana amin’ny

alarobia 27 febroary 2019 ny fifaninanana baolina kitra fiadiana ny ho tompondakan’ny ligy rejionalin’i V7V handraisan’ny seksiona 4 anjara dia Antsevolo,Vohipeno, Fanadiana ary Manakara. Ny an’ity seksiona farany izay tarihan’ny filohany, Gaetan Jean Baptiste, dia hanomboka anio sabotsy 12 janoary 2019 ny fiadiana ny ho tompondakany. Misy ekipa 14 no mandray anjara amin’ny fifaninanana ao Manakara dia ny Fc Black Star, Tem, Fca, Fc Mfbm, Fc Jsa, Fc Vfm, Fc Réeaux-Fort 1, Fc Avenir, Lokomby, Fc Réseaux-Fort 2, Fc Gill Ambila, Fc Jaguar Marofarihy, Fc 15 Frères Sakoana ary ny Fc Real de Sahasinaka.

Ntsoavina Evariste