Sport

Ligin’ny baolina kitra Analamanga Niavaka ny fanolorana an’ireo amboara tamin’ny sabotsy teo

Sport
Talata 22 Mey 2018

Ny lalaon’ny Cnaps Sport Tanà sy Elgeco Plus nirava tamin’ny 1- 1, tamin’ny sabotsy 19 mey teo tetsy amin’ny kianjan’i Mahamasina, no namarana tanteraka ny fiadiana ny ho tompondakan’ny baolina kitra Ligue 1 eto Analamanga ka nanolorana an’ity farany ny medaly volamena sy ny amboara maha-tompondaka 2018 azy tamin’izany niampy ny lelavola 1 tapitrisa ariary nomen’ny ligin’ny baolina kitra Analamanga.

Notolorana ny medaly volafotsy kosa ny ekipan’ny As Adema nitana ny laharana faharoa. Nahazo ny medaly alimo fa nahazo ny laharana fahatelo ny Cosfa. Samy notolorana amboara manokana tsirairay avy kosa i Sambatra, Fosa Juniors Tanà, izay voahosotra ho mpilalao mendrika indrindra ny fifaninanana, sy i Tojo, Tanà Formation, nampidi-baolina be indrindra (13 buts), i Hery Be mpanazatra mendrika indrindra ary i Lovasoa sy i Dimby mpitsara voalohany sy mpitsara mpanampy mendrika indrindra. Niavaka ny famaranana an’ity hetsika fanolorana amboaran’ny ligin’Analamanga ity tamin’ny fanolorana “brochette parti” an’ireo tonga nanotrona tetsy Mahamasina notarihan’ny DRJS avy ao amin’ny ministera mpiahy sy ny Tale Teknikan’ny FMF ary mazava loatra ny filohan’ny ligin’ny baolina kitra Analamanga.

Vokatr’ireo lalao rehetra tamin’ny andro faha-18 farany :

Tanà Formation 1 – 2 Cospn ; Cosfa 1 – 1 Fosa Juniors Tanà ; Uscafoot 0 – 1 As Adema ; Mama Fc 3 - 1Mi 20 ; Elgeco Plus 1 – 1 Cnaps Sport Tanà

Ntsoavina Evariste