Sport

Ligin’ny baolina kitra Analamanga Mbola ho kandidà indray i Tôta

Sport
Alatsinainy 13 Novambra 2017

Ny 1-19 novambra izao no daty navoakan’ny komity mpanomana ny fifidianana eo anivon’ny taranja baolina kitra Malagasy fa hanatanterahana ny fifidianan’ny seksiona manerana ny nosy amin’ny taom-pilalaovana ho avy.

Fantatra fa saika efa vita avokoa ny an’ireo seksiona 6 ao anatin’ny ligin’Analamanga. Ho an’ny seksiona baolina kitra Ambohidratrimo dia Atoa Randrianaivoarivony Jeannot no voafidy hitantana. Ho an’Atsimondrano dia Atoa Rabearivelo Solondrainy Edgard, ho an’Anjozorobe dia Atoa Rakotoarilala Fanomezana, ho an’Andramasina dia Atoa Randrianarison Raphael, ho an’i Manjakandriana dia Atoa Rakotomamonjy Maefasoa Miasa ary ho an’Antananarivo Renivohitra dia Atoa Raherimandimby Jean Serge. Sisa tavela ho an’ireo seksiona mandrafitra ity ligy ity dia ny seksiona Avaradrano izay fantatra fa hotontosaina amin’ny fiandohan’ny herinandro izao. Heno koa ankehitriny fa hifarana anio alatsinainy ny fametrahana ny antontan-taratasin’ireo izay haniry hitantana ny ligin’ny baolina kitra eto Analamanga. Hatramin’ny faran’ny herinandro teo dia fantatra fa mbola Atoa Rakotoarimanana Henintsoa na i Tôta, filoha am-perinasa, no efa nahavita.

Ntsoavina Evariste