Sport

Lalaon’ny Nosy Atsy Maorisy Medaly volamena 9 no efa azontsika

Sport
Alatsinainy 22 Jolay 2019

Mitana ny laharana faha-3 vonjimaika i Madagasikara amin’izao fotoana izao eo amin’ny Lalaon’ny Nosy tanterahina atsy amin’ny Nosy Maorisy.

Ny medaly volamena no hanasokajiana ny filaharana, ka ho an’ny omaly, dia mitana ny laharana voalohany amin’ny alalan’ny meday volamena 13 ny Nosy La Réunion, 10 i Maorisy, 9 Madagasikara, 6 i Sychelles, 1 Maldives, ary tsy mbola nisy nahazo medaly volamena kosa i Kaomoro sy Mayotte. Ny taranja fibatana fonjamby avokoa tamin’ny ankapobeny no nahazoantsika ireo medaly volamena, ka anisan’ny angady nanana medaly volamena 3 be izao i Rossina teo amin’ny sokajy latsaky ny 45kg. Niatrika ny lalao samihafa tany an-toerana ny filohan’ny Repoblika Andry Rajoelina tamin’iny faran’ny herinandro iny, ary nifampidinika sy nifandresy lahatra tamin’ireo tompon’andraikitra momba ny handraisan’i Madagasikara ny lalaon’ny Nosy amin’ny 2023.

Toy izao kosa ny vokatra vonjimaika amin’ny fahazoana medaly :

1°Reunion nahazo medaly 38, volamena 13, volafotsy 10, alimo 15

2°Maurice nahazo medaly 39, volamena 10, volafotsy 13, alimo 16

3°Madagasikara nahazo medaly 19, volamena 9, volafotsy 8, alimo 2

4°Seychelles nahazo medaly 18, volamena 6, volafotsy 8, alimo 4

5°Maldives nahazo medaly 1, volamena 1, volafotsy 0, alimo 0

6°Comores nahazo medaly 1, volamena 0, volafotsy 0, alimo 1

7°Mayotte tsy mbola nahazo medaly mihitsy hatreto

Toky R