Sport

Lalaon’ny nosy andiany faha-10 Nahazo fitaovana raitra avy amin’ny Sinoa ny atleta Malagasy

Sport
Alarobia 27 Febroary 2019

Notanterahina teny amin’ny Asia & Africa hotel eny Ivato omaly talata 26 febroary 2019 ny dingana faha-3 amin’ny tetikasa “Assistance de la Coopératioon Technique du Sport Chine-Madagascar”

vita sonia tamin’ny taona 2018, dia ny fanoloran’ny governemanta Sinoa fitaovana ara-panatanjahantena raitra ho an’ny taranja atletisme, badminton, halterophilie, lomano ary tenisy ambony latabatra izay taranja samy handraisantsika anjara amin’ny Lalaon’ny nosy 2019 andiany faha-10 hotontosaina any Maorisy amin’ny volana jolay ho avy izao. Ny dingana voalohany tamin’ny tetikasa dia efa notontosaina tamin’ny fahatongavan’ny mpanazatra Sinoa niisa 8 teto amintsika tamin’ny martsa 2018 nanofana an’ireo taranja samihafa teto. Ny dingana faha-2 dia ny nandehanan’ireo atleta Malagasy niisa 88 (taranja atletisma, badminton, haterophilie, lomano ary tenisy ambony latabatra) sy mpanazatra Malagasy 10 ary filohana delegasiona 1 niofana tany Sina nandritra ny 120 andro izay nijoroan’ny solontenan’ireo atleta sy solontenan’ireo mpanazatra vavolombelon’ny soa marobe azon-dry zareo avy any. Hampiasaina amin’ny fanomanana ny lalaon’ny nosy 2019 ireo fitaovana ireo. Hisy ihany koa ny hatolotra ny Sport Etude Malagasy, hoy ny minisitra Tinoka Roberto, nandray azy ireo avy amin’ny ambasadaoron’i Sina eto Madagasikara,.

Ntsoavina Evariste