Sport

Lalaon’ny ASIEF Nandresy ny faritra Antsinanana ny governemanta

Sport
Alatsinainy 07 Aogositra 2023

Nisy ny lalao ara-pirahalahiana nifanandrinan'ireo mpikambana ao amin'ny Governemanta tarihin'ny Praiminisitra Ntsay Christian

sy ny tompon'andraikitra eo anivon'ny Faritra Atsinanana, nandritra ny lalaon'ny ASIEF, tao amin'ny kianja mitafo Stadium Soavita Toamasina. Ny taranja basket-ball sy volley-ball no nifanandrinan'ny roa tonta ka nandrombahan'ny Governemanta ny fandresena: 30-25 ho an'ny basket-ball ary 2/1 ho an'ny volley-ball. Fotoana ihany koa ny io omaly io, nanoloran'Andriamatoa Praiminisitra omby velona roa sy vary iray taonina ho an'ny ASIEF, hoy ny fampitam-baovao. Hita ho velovelom-bolo sy tafiditra tsara tao anatin’ny ambiansy ny mpikamban’ny governemanta, eny fa na ny Minisitry ny angovo sy ny akoran’afo Atoa Solo Andriamanampisoa aza toa adinodinony hatramin’ny fahataperan’ilay fe-potoana 3 herinandro nomen’ny Filoham-pirenena hanafoanany ny delestazy!
Toky R