Lalaon'ny Nosy

Sambasamba i Kaomoro no

Sport
Talata 01 Septambra 2026

hampiantrano ity fifaninanana ity

Hatao atsy amin'ny Nosy Kaomoro afaka herintaona ny Lalaon'ny Nosy aty amin'ny faritry ny Ranomasina Indianina. Tonga eo amin'ny andiany faha-12 ankehitriny ny fifaninanana ary sambany eo amin'ny tantara i Kaomoro no hampiantrano azy. Hotanterahina ny 10 hatramin'ny 19 Aogositra 2027 ny Lalao araka ny fangatahan-dry zareo avy atsy La Réunion mba tsy hifanindry amin'ny fanombohan'ny taom-pianarana vaovao. Nankatoavin'ny komitin'ny Lalao moa izany ary efa nampahafantarina ihany koa ny sary famantarana ny Lalao. Miisa 18 ireo taranja hifaninanana amin'ity andiany faha-12 ity handraisan'ny sokajy lahy sy vavy anjara, ahitana ny fibatana fonjamby, handball, judo, tsipy kanetibe, tenisy ambony latabatra, beach-volley, voile, badminton, basketball 5x5 sy 3x3, taekwondo, ny baolina kitra ho an'ny sokajy lehilahy ihany. Hifaninana amin'ny taranja lomano sy atletisma ihany koa ireo atleta manana fahasembanana ara-batana.
Jean D.
Sary famantarana ofisialy ny Lalaon'ny Nosy andiany faha-12