Sport

Lalaon�ny Nosy Madagasikara sy Kaomoro ihany no mandoa �visa�

Sport
Talata 28 Jolay 2015

Ireo delegasiona avy aty Madagasikara sy i Kaomoro irery no nampandoavin�ny nosy la R�union �visa� tamin�ireo delegasionina mandray anjara amin�ny lalaon�ny Nosy izay hatao atsy amin�ity nosy rahavavy ity ny1 -9 aogositra ho avy izao.

Mahatratra 209.000 ariary isan’olona anefa ny saran’io visa io ankoatry ny saram-piatohana na “assurance”. Ny tsy fahaizan’ny fanjakana Malagasy sy ny masoivohontsika atsy amin’ny nosy la Réunion izay tsy iza fa atoa Ramamonjisoa Virapin izay minisitry ny fanatanjahantena teo aloha miresaka ve no tsy nahazoantsika an’io tombotsoa azon’ny nosy hafa toa an’i Maorisy sy Seisela ary Maldiva io sa dia fepetra manokana apetraka amin’ny Malagasy tsotra izao kanefa ny fanehoana ny firaisankina sy ny fifankatiavan’ny tanora aty amin’ny ranomasimbe Indiana no tena ao ambadiky ny lalaon’ny Nosy. Amin’ny lafiny iray koa anefa dia azo ambara fa lesoka iray hafa mety mahasarotiny ny tompon’andraikitra atsy amin’ny nosy la Réunion koa ny tsy fahaizan’ny mpanabe mitaiza ny tanora Malagasy.Tamin’ny taona 2010 aza moa nandritra ny lalaon’ny kaomisionin’ny tanora sy ny fanatanjahantena izay natao tany amin’ny nosy la Réunion ihany dia mpanabe tamina taranja iray mihitsy no tratra nanao risoriso sigara ka tratra tany amin’ny entan’ireo ankizy hifaninana avokoa ny “cartouche” na sigara efa ho zato mahery.