Sport

Lalaon'ny Nosy andiany faha 11 Isan'ny vitsy mpandray anjara indrindra

Sport
Talata 23 Mey 2023

Nahazo anarana sahady ny Malagasy fa hoe tompondaka eo amin'ny isan'ny mpandray anjara vitsy indrindra taorian'iny fanenana ny taranja hilalaovana iny.

Tsy vitany ny hoe 12 ireo nesorina fa mbola noferana koa ireo atleta mandray anjara ho 30 lahy sy 30 vavy isaky ny mpandray anjara. Manginy fotsiny moa ny kiakikan'ireo mpiangaly taekwondo izay niditra fampivondronana tamin'ny volana febroary. Miantso tody mihitsy moa ireto farany ary mametraka fanontaniana hoe nahoana no voatazona ny karaté nefa dia mizara roa ka misy ny an'ny MJS ary misy ny an'ny COM Ray aman-dreny iray aza moa dia mbola mampahatsiahy ny fahotana vitan'ity ministera iray ity ka nandefa ireo ankizy tokony hamonjy CJSOI tatsy Maorisy. Asa aloha izay hiafaran'ity fa re any Sainte Marie sy Fort Dauphin ny hiakan'ireo malahelo noho ity karazana sazy vaovao ity .
Clément RABARY