Sport

Lalaon�ny Nosy andiany fah-9 Nampanantenaina fa horaisina manokana ireo mahazo medaly

Sport
Alakamisy 30 Jolay 2015

Noraisin�ny filoham-pirenena teny Iavoloha omaly hariva ireo solontenan�ny atleta sy mpitantanana isan-taranja

. Fitsofan-drano no nanamarika ny fotoana tamin’izany fa taorian’ny fitenenan’ny solontenan’ny atleta ny faniriany mba horaisina rehefa mahazo medaly dia nambaran’ny filoha fa horaisina ireo miverina miaraka amin’ny medaly. Marihina miparitaka be ny fiaingan’ny delegasiona hiatrika ity Lalaon’ny Nosy ity. Efa nanainga ny sabotsy teo ny andiany voalohany nisy lay voy lakana. Anio kosa no hanainga ny andiany fah-2 izay ahitana ny baolina kitra. Efa tokony nanainga ny talata teo moa izy ireo fa ny fanaovana “visa” no nihisatra. Mbola hisy andiany hanainga koa rahampitso zoma ary ny 3 aogositra no hanaingana ny andiany farany. Nangataka manokana tamin’ny filoham-pirenena moa ireo mpanao gazety izay ampiandrasina farany amin’ny fanaovana “visa” ka tsy ho afaka hanatrika ny lanonam-panokafana ka ho hita eon a hisy vokany izany na tsia. Mahatratra 346 moa ny fitambaran’ireo rehetra mandrafitra ny delegasiona manontolo ka 231 ireo atleta. Rakotozafy Rosa talen’ny fanatanjahantena federaly omaly no nisolotena ny minisitry ny tanora sy ny fanatanjahantena izay nilentika any Fianarantsoa hatramin’ny fotoana nitokanana ilay kianja sentetika tsy mbola vita hatramin’ny farany.

Rasanda Serge