Sport

Lalao tsipy kanetibe eto Analamanga Hotohanan’ny Senatera Berthin sy ny Depiote Rastany

Sport
Sabotsy 04 Aogositra 2018

Hanatanteraka hetsika tsipy kanetibe goavana hanasany an’ireo mpilalao avy eny Atsimondrano sy Avaradrano ary Andrefan’Iarivo sy Antananarivo Renivohitra eo amin’ny Paddock Mahamasina indray anio sabotsy 4 sy rahampitso alahady 5 aogositra ry zareo eo anivon’ny ligin’ny tsipy kanetibe Analamanga tarihan’ny filohany,

Mbola Namana “Andriamirana Mbolatiana”. Hisy ny lalao an’olon-droa miaraka ho an’ny sokajy “Elite”, Vehivavy ary “Vétéran” amin’izany mazava loatra fa hisongadina ihany koa ny lalao an’olo-3 miaraka ho an’ny “Amateur” na ireo mpankafy an’ity taranja ity fotsiny. Ankoatra ireo amboara hatolotra dia hisy fanolorana loka maro toy ny “Scooter”, telefaonina finday, “four éléctrique” sns… ho an’ireo mpandresy amin’izany ary koa fanomezana vary manta manokana ho an’ireo mpifaninana avy amin’ny Senatera Andriamihaingo Berthin izay filoham-boninahitr’ity ligy ity ihany koa ary fanomezana manokana hafa avy amin’ny Depiote Rastany “Randrianarisoa Stanislas” izay filoha lefitry ny ligin’ny tsipy kanetibe Analamanga am-perinasa.

Ntsoavina Evariste