Sport

Lalao rugby faha-35 taonan’ny 3FAI Nahemotra amin’ny fotoana manaraka

Sport
Sabotsy 24 Martsa 2018

Nanambara tamin’ny fampitam-baovao fohy nataony tetsy Tsaralalàna misy ny foiben’ny ekipan’ny 3FAI Ambalavao Isotsy ny alakamisy 22 martsa teo,

Atoa Rakotomamonjy Hery Jacques iray amin’ireo mpiandraikitra an’ity fileovana rugby eto Antananarivo-Renivohitra ity, fa voatery nahemotra amin’ny daty manaraka dia ny faha-13 sy 20 mey 2018 ary amin’ny 03 jona 2018 ilay hetsika rugby hoenti-mankalaza ny faha-35 taonany izay saika notanterahina anio sabotsy 24 sy rahampitso alahady 25 ary ny 08 aprily 2018 ho avy izao noho ny fisian’ny lalao iraisam-pirenena hifanandrinan’ny Cosfa rugby sy Mayotte etsy Mahamasina amin’io alahady ho avy izao io. Nomarihan’ity tompon’andraikitra iray ao amin’ny 3FAI ity fa tsy hiova ireo ekipa handray anjara amin’ny hetsika dia fileovana avy any amin’ny kartie 4 sy avy amin’ny boaty 4.

Ntsoavina Evariste