Sport

Lalao Olimpika - Korea Atsimo Tafita hiatrika ny “Slalom dame Run 1” i Mialitiana anio zoma

Sport
Zoma 16 Febroary 2018

Laharana faha-48 tamin’ny mpifaninana niisa 58 nahavita ny fidinana roa hatramin'ny farany i Mia na Mialitiana Clerc (dossard 66), ilay teratany Malagasy vao 16 taona monja, teo amin’ny fifaninanana ski « salalom Géant » notontosaina tany Pyeong Chang tany Korea Atsimo omaly alakamisy 15 febroary 2018.

Nanatsara ny fotoana vitany 5 segondra latsaka kely izy teo anelanelan'ny fidinana voalohany sy faharoa. Marihana fa nahatratra 81 ireo nandray anjara tamin’ny fiaingana tamin’ity fifaninanana ity. Anisan’ireo mpifaninana hiatrika ny fifaninanana Slalom Dame Run 1 izy anio zoma 16 febroary 2018 ka hitondra ny “dossard 60”.

Zaza Malagasy sahirana natsangan’ny teratany Frantsay mivady, Stéphane sy Sylvie Clerc, teo amin’ny faha-1 taona sy tapany i Mia ary nentin’izy ireo nipetraka tany Frantsa sy nampiangaliany ny taranja Ski Alpin teo amin’ny faha-3 taonany.

Ntsoavina Evariste