Sport

Lalao hifaninanan’ireo ministera Ho avy koa ny fanorona, ny katro ary kabary

Sport
Zoma 22 Febroary 2019

Hampidirina holalaovin’ireo mpiasam-panjakana ara-dalàna ao anatin’ny fanatanjahantena karakarain’ny ASIEF (Association Sportive Interministérielle pour l'Entretien des Fonctionnaires ) ihany koa manomboka izao ny katro sy ny fanorona ary ny kabary.

Toraka izany koa ny jeux d’échecs izay tena mahazo vahana tokoa eto amintsika sady manampy amin’ny fanitaran-tsaina. Eo am-panomanana ny fanokafana ny fotoam-pilalaovana manaraka ny Asief ankehitriny taorian’ny fiavian’ny rotsak’orana, raha araka ny fanazavan’ny sekretera keneraliny Atoa Andriamiarana Tahiana Valohery. Misy ny fanofanana ireo mpampiofana tanterahin’izy ireo isaky ny minisitera tsirairay avy hiarahany miasa amin’ny minisiteran’ny tanora sy ny fanatanjahantena. Tanjon’ny ASIEF moa ny hahafahana mamantatra marina ny isan’ireo mpiasam-panjakana tena izy isaky ny minisitera iadiana amin’ireo mpiasam-panjakana matoatoa. Toraka izany koa ny hitaizana azy ireo anaty fanatanjahantena hananany vatana tomady sy saina matsilo. Mahatratra 18 hatreto ireo lalao ara-panatanjahantena karakarain’ny Asief, anisan’ireny ny tsipy kanetibe, ny belôty, ny basket…

Pati