Lalaina Nomenjanahary

Nijery manokana an’i Francis Coquelin

Sport
Alatsinainy 19 Febroary 2024

Nijery manokana an’i Francis Coquelin, ilay irakiraka afovoany

mpiaro na «milieux défensif» malagasy milalao ao amin’ny Villareal FC, divizionina voalohany ao Espagne ny alin’ny zoma teo ny mpanazatra mpanampy eo anivon’ny ekipam-pirenena malagasin’ny baolina kitra na Barean’i Madagasikara, Lalaina Nomenjanahary na Bolida. Nanatrika ny La liga izay nihaonan’ny Villareal sy Getafe mihitsy tao amin’ny Estadio de la Ceramica moa ny lehilahy. Tsy mbola nisy resaka firy hatreto aloha raha ny mikasika ny fahitany ity mpilalao 32 taona ity. Ho hita eo ny ho fipetrany amin’ny volana martsa any ho any satria ny mpanazatra voalohany, Romuald Rakotondrabe na Rôrô, rahateo moa no heverina fa tsy maintsy ho tompon’ny teny farany.
J. Mirija