Sport

Lalaina Nomenjanahary na Bolida Nahazo ny diplaomany faharoa maha mpanazatra

Sport
Talata 18 Jolay 2023

Taorian’ny herintaona niofanana dia nivoaka ihany ny vokatra. Azo ny ny diplaoma “Brevet d'entraîneur de football” na BEF,

hoy ny lohalaharan’ny ekipam-pirenena malagasin’ny baolina kitra na Barea teo aloha, Lalaina Nomenjanahary na Bolida. Noho izany dia tena mirehareha sy feno fankasitrahana aho manambara fa nahazo ny diplaoma faharoa nataoko, hoy izy. Isaorana manokana i Jean Marc Eliasy, izay “tuteur” na nitantsoroka ahy. Ny Tompo anie hamaly soa anao avo zato heny. Ny BEF dia mifanandrify na manana “équivalence” amin’ny diplaoma eoropeanina “licence UEFA A”. An'Andriamanitra irery voninahitra, hoy hatrany ny tenany izay efa lasa mifantoka tanteraka amin’ny lafiny maha mpanazatra indray izany amin’izao fotoana izao.

J. Mirija