Sport

La Pie - Analamanga rugby “Tsy ara-dalàna ny AG nataon’ireo seksiona 3”

Sport
Alatsinainy 27 Novambra 2017

Tsy ara-dalàna ny AG na Fivoriambe nataon’ireo seksiona 3 tamin’ny zoma 24 novambra teo teny Ivandry,

hoy Ravelojaona Andry La Pie filohan’ny Analamanga rugby, rehefa tsy natrehan’ny ministeran’ny tanora nivantana sady tsy mba nampilazana akory ny ligin’Analamanga tokony hitarika ny fivoriana, hoy izy, fa dia ny Filohan’ny Federasion’ny Rugby Malagasy mihitsy no nitarika izany. Tena efa betsaka loatra ny tsy mety ataon’ity Malagasy Rugby ity ka tsy azo ekena intsony, hoy i Andry La Pie, ka mba ho voninahitry ny taranja rugby sy ho fampiroboroboina azy fatratra dia manaitra ny sain’ny mpitia lavalava tsy an-kanavaka ny tenako mba ho tonga saina amin’ny zava-misy amin’izay.

Marihana fa tao anatin’ny lalao famaranana “Finale des poules” nihaonan’ny TAM sy 3Fb omaly tetsy amin’ny kianjan’i Malacam Antanimena ka nivoahan’ity farany nandresy 26-19 no nanaovany an’izany fanambarana izany omaly alahady 26 novambra.

Ireo vokatra hafa : vehivavy –Jsm 15 – 12 Fanjan’Anjanahary ; Elite ii Seksiona Vakiniadiana- Tfma 3 – 0 Fitasoa ; Elite II seksiona Tanà-ville : Rcam 42 – 3 Tfa ; Elite I barrage ;=: XV Familly 16 – 6 XV Oma .

Ntsoavina Evariste