Sport

Kung-Fu Wisa Malagasy Tontosa ny zaikabe 2018

Sport
Alatsinainy 20 Aogositra 2018

Nahatontosa ny zaikabe fanaony isan-taona tetsy amin’ny Lapan’ny Fanatanjahantena Mahamasina omaly alahady 19 aogositra 2018 ny Kung Fu Wisa Malagasy tarihan’ny mpandrindra jeneraliny, Grand maitre Avoko Rakotoarijaona.

Tapaka tamin’izany nanoloana an’ireo solontena isam-paritra nahatratra 1 alina tany ho any fa mitohy ny asa amin’ny taom-pikatrohana manaraka, tapaka ihany koa fa hidina ifotony hampanao “recyclage” 10 andro avy an’ireo Faritra manerana an’i Madagasikara ity mpandrindra jeneraly ity, nifanarahana ihany koa fa na dia tsy olana aza ny fidirana amin’ny lalao iraisam-pirenena hiarahana amin’ny IKF “Federasion’ny Kung Fu iraisam-pirenena” dia hianoka amin’ny famitana tanteraka ny “Temple” eny Ambatomirahavavy (Trano famakiam-boky sy Esplanade) aloha ry zareo amin’ity taona ity. Tapaka ihany koa ny hidiran’ny Kung Fu Wisa ao anatin’ny hery lehibe Voromahery hanohana ny kandidà Hery Rajaonarimampianina ary dia nambaran’i Avoko ampahibemaso tao amin’ny Lapan’ny fanatanjahantena Mahamasina koa izany. Ireo rehetra ireo dia niaraka amin’ny fanamarihan’ny Kung Fu Wisa ny faha-38 taonany.Natolotra taorian’ny hetsika rehetra ny amboaran’ ireo tompondaka Kung Fu Wisa tamin’ity taona ity.

Ntsoavina Evariste