Sport

Klioban’ny Cospn Analamanga Mbola nahazo 10.000.000 ariary hafa indray

Sport
Alakamisy 20 Desambra 2018

Rehefa avy notoloran’ny ministeran’ny filaminana anatiny taratasim-bola nitentina 10.000.000 ariary sy omby roa ary taratasy marim-pankasitrahana sy fitsangantsanganana mankany Nosy be Hell Ville, niampy taratasim-bola nitentina 3.000.000 ariary

avy amin’ny FMBB ihany koa, ireo mpilalaon’ny Cospn basket ball Analamanga ny zoma 14 desambra 2018 teo teny amin’ny FIP Antanimora dia mbola notoloran’ny filoham-pirenena mpisolo toerana, Rivo Rakotovao, taratasim-bola mitentina 10.000.000 ariary hafa indray teny amin’ny Lapam-panjakana Iavoloha tamin’ny talata 18 desambra 2018 teo. Marihana fa vao avy vao avy nandrombaka ny amboaran’ny CCOI basket 2018 tany Seychelles tamin’ny herinandro lasa teo ity ekipa ity ary hisolontena ny Faritra faha-7 amin’ny Afroligue 2018. Mbola ho raisin’ny filoha Rivo Rakotovao, eny Iavoloha, miaraka amin’ireo taranja nahazo amboaran’ny CCOI 2018 indray anio ireto mpilalaon’ny Cospn Analamanga ireto.

Ntsoavina Evariste