Sport

Kitra � Tournoi des Champions Hitiliana ireo hiofana ao amin�ny Soanay Football Academy

Sport
Alakamisy 13 Aogositra 2015

Mampihaiky fa tena misy talenta mandehandeha any anelakelantrano any. Tsikaritra izany mandritra ilay fifaninanana kitra lalaovin�olona fito �Tournoi des champions� ho an�ny sokajy U13 sy U15

zazalahy karakarain’ny Soanay Football Academy. Ny 10-14 aogositra ny fifanintsanana etsy amin’ny kianjan’Alarobia ary ny 22-23 ny dingan’ny famaranana eny amin’ny Futsal Andraharo. Ekipa 42 no mandray anjara ho an’ny U15 ary 27 kosa ny U13 ary mahatratra maherin’ny 800 ireo ankizy voakasiky ny fifaninanana.

“Tanjona ny fitiliana ireo talenta any anelakelantrano rehetra any ka entina hamoahana ireo tena mendrika hampidirina hiofana ao amin’ny Soanay Academy” hoy Rasoanaivo Rado mpikarakara. Mikasika ny fifaninanana dia ireo ekipa folo voalohany avy no hanao ny dingan’ny famaranana. Efa manomboka amin’izao fifanintsanana izao kosa ny fitiliana. Halefa hialasasatra sy hiofana herinandro any Mahajanga moa ireo ekipa tompondaka amin’ireo sokajy roa ireo.

Rasanda Serge