Kitra-Tournoi Dandjy

3FA Hanomboka ny 3 septambra ao Mahajanga

Sport
Sabotsy 01 Septambra 2018

Hotontosaina any amin’ny kianja Rabemananjara Mahajanga ny 3 ka hatramin’ny zoma 7 septambra 2018 ny andiany faha-8 amin’ny « Tournoi Dandjy/3FA » natokana ho an’ny sokajy U10, U13, U15, U17, U20 ary ny sokajy vehivavy.

Faritra efatra no efa fantatra hatramin’izao fa hanana solontena handray anjara amin’izany dia Analamanga, Boeny, Sofia ary Betsiboka. Samy hiantoka saran-dalana mandroso sy miverina, sakafo, assurance sy kidoro hatoriany avy ireo ekipa hivahiny any Mahajanga amin’izany fa ny trano hivantanana kosa no hiantohan’ny Club Dandjy. Nambaran-dRakotonirina Philibert mpitantana ny 3Fa Avaradrano fa vao vita io “Tournoi de Vacances Dandjy/3Fa” any Mahajanga io dia efa hanomana indray ny “Tournoi de Noël 2018” sy ny “Tournoi de Pâques 2019” hotontosaina eto Antananarivo ry zareo.

Ntsoavina Evariste