Sport

Kitra - « Tounoi de vacances » Nifarana ny fifaninanana tany Alakamisy Tsarazaza

Sport
Sabotsy 08 Septambra 2018

Manatontosa lalao baolina kitra “Tounoi de vacances” miaraka amin’ny fikambanana Mampiray sy ny fikambanana Orimbaton’i Madagasikara ry zareo any amin’ny distrikan’i Fandriana Faritra Amoron’i Mania.

Efa elaela ihany izay no nanombohan’ny fifanintsanana manerana an’ity distrika ity. Tanjona ny fitaizana ny tanora. Nifarana ny alahady 2 septambra 2018 teo, ohatra, ny fifanintsanana tany amin’ny zana-paritra Alakamisy Kaominina Tsarazaza ka nanolorana fankasitrahana toy ny “maillots” sy baolina an’ireo tafakatra hiatrika ny lalao any amin’ny renivohitry ny kaominina afaka fotoana fohy. Ondry mifahy sy fitaovana ara-panatanjahantena hafa kosa no hatolotra any amin’io dingan’ny fifaninanana io. Noho ireo fangatahana dia nanome toky Rtoa Dina Rakotomalala mpikarakara tanora any amin’ity distrika ity fa hanajary sy hikarakara miaraka amin’ny tanora any an-toerana ireo kianja filalaovana rehetra ao amin’ny kaominina Tsarazaza.

Ntsoavina Evariste