Sport

Kitra- tompondakan�i Afrika Tsy mbola fantatra izay hifanandrina amin�ny Cnaps Sport

Sport
Alarobia 02 Martsa 2016

Tsy mbola fantatra hatramin�izao ny ekipa hifanandrina amin�ny Cnaps Sport amin�ny ampahenina ambin�ny folon-dalan�ny fiadiana ny tompondakan�i Afrika ho an�ny ekipa tompondaka.

Raha araka ny fandaharam-potoanan’ny kaonfederasiona afrikanin’ny baolina kitra mantsy dia ny 11 na 12 na 13 martsa ho avy izao no tokony hanaovana io lalao io. Tsy mbola fantatra anefa na ny ekipan’i Wydad kazablanka avy any Maraoka na ny Us Douanes avy any Niamey, Niger no hifanandrina amin’ny Cnaps Sport. Tsy mbola fantatra ihany koa na ny daty na ny toerana hanaovana ny lalao mandroso sy ny miverina izay handray voalohany. Nitokona tsy niasa mantsy ny mpiasan’ny fadintseranam-piaramanidina tany Niamey tamin’ny fotoana tokony hivahinianan’ny klioban’ny Wydad Kasablanka tany an-toerana hanaovana ny lalao miverina ka tsy afaka nihazo an’i Niamey ireto mpilalao marokanina ireto. Nanomboka teo dia nikorontana tanteraka ny fandaharam-potoanan’ny kaonfederasionina afrikanina izay tsy maintsy hametraka daty hafa sy ny toerana hanaovana ity lalao miverin’ny savaranonandon’ny Us Douanes Niamey sy Wydad Kazablanka ity. Ho an’ny Cnaps Sport dia ilaina hatrany ny miomana na ho any Niger na ho any Maraoka. Tsiahivina fa nandritra ny lalao mandroso natao tany Kazablanka dia efa nandresy tamin’ny isa 2-0 ny Wydad.